ხელვაჩაურის მუნიციპალიტეტის სოფელ ახალშენის N2 საჯარო სკოლაში სასწავლო პროცესი გაჯერებულია როგორც საგანმანათლებლო, ისე საზეიმო ღონისძიებებით, რაც მოსწავლეთა ნიჭისა და უნარების წარმოჩენა-განვითარებას ემსახურება. 

მოსიყვარულე და მზრუნველი პედაგოგები მოსწავლეებს გრძნობებისა და ემოციების გაზიარებას ასწავლიან. შესაბამისად, სკოლაში აქტიურად მიმდინარეობდა დედის დღისადმი მიძღვნილი ღონისძიებები. 

მე-5 კლასში მასწავლებელმა - მაიკო ბოლქვაძემ მოსწავლეებთან ერთად სპექტაკლი დადგა, რომელიც მოსწავლეებმა დედებს მიუძღვნეს. მე-4 კლასის მასწავლებელმა - ნაირა შუშანიძემ კი მოსწავლეები შემოქმედებით აქტივობებში ჩართო. ბავშვებმა დაამზადეს მისალოცი ბარათები და ყველაზე საყვარელი ადამიანების მიმართ სითბო და სიყვარული გამოხატეს. 

იხილეთ ფოტოები: