მალხაზ ბუცხრიკიძის სახელობის თერჯოლის მუნიციპალიტეტის ალისუბნის თემის N2 საჯარო სკოლის პედაგოგები მოსწავლეებს სხვადასხვა ინტელექტუალურ და სპორტულ შეჯიბრებას აქტიურად სთავაზობენ.

ამჯერად, სკოლის სპორტის მასწავლებელმა - ლალი დიაკონიძემ ჩაატარა სპორტული ოლიმპიადია შაშში, რომელშიც მონაწილეობდნენ მე-4, მე-5, მე-6 და მე-7 კლასების მოსწავლეები.

შესარჩევი ტურის შემდეგ გამოვლენილი გამარჯვებულები ფინალურ თამაშში შეხვდნენ ერთმანეთს. თამაშისას მათ სხარტი აზროვნება შესანიშნავად წარმოაჩინეს.

საინტერესო სპორტული შეჯიბრის გამარჯვებულები გახდნენ გოგონათა შორის: თამარ ზარნაძე (მე-4 კლასი), თინათინ რობაქიძე (მე-5 კლასი), ლანა ბერუაშვილი (მე-5 კლასი). ბიჭებს შორის კი - ნიკოლოზ ქოჩერაშვილი (მე-6 კლასი), ნიკოლოზ დიაკონიძე (მე-4 კლასი), ლუკა დიაკონიძე (მე-6 კლასი).

ეს დღე მოსწავლეთათვის საინტერესო, დასამახსოვრებელი და ნაყოფიერი იყო.

აღსანიშნავია, რომ მსგავსი აქტივობები და ოლიმპიადები მოსწავლეებს საჭირო უნარ-ჩვევებს უვითარებს და მოტივაციას უმაღლებს.

იხილეთ ფოტოები: