„ნუცას ბაგა-ბაღის“ აღსაზრდელები თეატრს ესტუმრნენ
03-01-2024
„ნუცას ბაგა-ბაღის“ აღსაზრდელებისთვის შთამბეჭდავი გასვლითი ღონისძიება მოეწყო, რომელიც ბავშვების კულტურულ განვითარებას მიეძღვნა.
„ნუცას ბაგა-ბაღელი“ პატარები მოზარდ მაყურებელთა თეატრს ესტუმრნენ, სადაც ძმები გრიმების ზღაპრის მიხედვით დადგმული სპექტაკლი - „ბრემენელი მუსიკოსები“ ნახეს.
ბავშვებისთვის მუსიკალური სპექტაკლი მეტად შთამბეჭდავი აღმოჩნდა. ბაღის აღსაზრდელები სასიამოვნო ემოციებით დაიმუხტნენ, რაც დიდხანს გაჰყვებათ. პატარებმა ასევე ისწავლეს თეატრში ქცევის წესები.
აღსანიშნავია, რომ „ნუცას ბაგა-ბაღში“ თითოეული ბავშვის ემოციურ, სოციალურ, ინტელექტუალურ და ფიზიკურ განვითარებას უდიდესი ყურადღება ექცევა, ამიტომ ბაღის ორივე ფილიალის პატარები ყოველდღიურად სახალისო, შემოქმედებით და განმავითარებელ აქტივობებში არიან ჩართულნი.
იხილეთ ფოტო-ვიდეომასალა:
სკოლების სიახლეები
