დაბა თიანეთის N2 საჯარო სკოლაში, დიდი ყურადღება ეთმობა ჯანსაღი ცხოვრების პოპულარიზაციასა და მოსწავლეებში სპორტისადმი სიყვარულის გაღვივებას.
28 თებერვალს, სკოლაში, სპორტის მასწავლებლის - ნადია უშიკიშვილის ინიციატივით და დიდი ძალისხმევით დაიწყო სპორტული შეჯიბრებები - „მხიარული სტარტები“.
შეჯიბრებაში, პირველ ეტაპზე მონაწილეობდნენ მე-5 და მე-6 კლასის მოსწავლეები, მათი დამრიგებლები და მშობლები.
როგორც სკოლაში გვიყვებიან, ძალიან ხალისიანად ჩაიარა შეჯიბრმა.
ჟიურის თავჯდომარემ ნატალია ოთარაშვილმა და მისმა წევრებმა: თამარ დოლიაშვილმა, მაია აბრამიშვილმა და ვალერი ჩიტაურმა გამოავლინეს გამარჯვებული.
ყველა ნომინაციაში: შეჯიბრი კლასის დამრიგებლებს, კლასებსა და მშობლებს შორის, დამსახურებული გამარჯვება მე-5 კლასმა მოიპოვა.
სკოლის ადმინისტრაციამ გამარჯვებულებს გადასცა სიგელები.
როგორც სკოლაში აღნიშნავენ, შეჯიბრებას გაგრძელებაც მოჰყვება, რაც იქვე დააანონსა ხელმძღვანელმა პედაგოგმა და გადაწყდა, რომ შემდეგში ერთმანეთს შეეჯიბრებიან მე-6 და მე-7 კლასის მოსწავლეები.
სკოლაში მადლობას უხდიან მასწავლებელს ამ ღონისძიების ორგანიზებისათვის.
იხილეთ ფოტოები:
