სენაკის მუნიციპალიტეტის სოფელ ეკის საჯარო სკოლის VI კლასის მოსწავლეებმა საინტერესო პრეზენტაცია გამართეს, თემაზე - „თამბაქოს მავნე ზემოქმედება“.
მოსწავლეებმა პრეზენტაცია ბიოლოგიის მასწავლებლის ლალი კარტოზიას ხელმძღვანელობით წარადგინეს, დასასრულს კი, მოაწყვეს დისკუსია და იმსჯელეს შემდეგ საკითხებზე:
1. რა სიკეთის მოტანა შეუძლია სიგარეტს?
2. საკუთარი ნებით რატომ უწყობს ხელს მწეველი ჯანმრთელობის გაუარესებას?
3. რატომ ხდება მწეველი ადამიანი დამოკიდებული ნიკოტინზე?
პრეზენტაციაზე მიწვეული იყო ოჯახის ექიმი ინგა წულაია, რომელმაც მოსწავლეებს მიაწოდა ინფორმაცია თამბაქოს მავნე ზემოქმედებაზე, ესაუბრა თუ რა როლს ასრულებს ნიკოტინი სუნთქვის და სხვა ორგანოთა სისტემების გამართული მუშაობის დარღვევაში, რა გადაწყვეტილებები მიიღონ უკვე თავიანთ ასაკში ჯანმრთელობის შენარჩუნების მიზნით.
როგორც სკოლაში გვიყვებიან, მოსწავლეები აქტიურად იყვნენ ჩართული დისკუსიაში.
დისკუსიის დასასრულს VI კლასის მოსწავლეებმა გაავრცელეს საინფორმაციო ბუკლეტები სკოლაში, იმ მიზნით, რომ თავიანთი ცოდნა სხვებისთვის გაეზიარებინათ და სასკოლო საზოგადოების ინფორმირებულობაზე ეზრუნათ.
იხილეთ ფოტოები:
