ირაკლი აბაშიძის სახელობის ხონის N3 საჯარო სკოლის პედაგოგები მოსწავლეებს ხარისხიან განათლებას აძლევენ, რაც მოსწავლეთა სასწავლო მოტივაციასა და აკადემიურ მოსწრებაზე დადებითად აისახება. შესაბამისად სკოლას არაერთი წარჩინებული კურსდამთავრებული ჰყავს.
მათ შორის არიან, მარიამ ჯალაღანია და მადლენა კიკაბიძე, რომლებიც ოქროს მედლებით საზეიმოდ დაჯილდოვდნენ.
ახლახან, ხონის მუნიციპალიტეტის წარჩინებულ კურსდამთავრებულებს ოქროსა და ვერცხლის მედლები გადაეცათ, მათ შორის იყვნენ ხონის მესამე საჯარო სკოლის ოქროსმედალოსნები.
ჯილდო ახალგაზრდებს ხონის მერმა ლადო ჯურხაძემ პირადად გადასცა, სწავლაში მიღწეული წარმატება მიულოცა და წარმატებები უსურვა.
სკოლაში მოსწავლეებს დამსახურებული ჯილდოს მიღებას ულოცავენ და მწვერვალების დაპყრობას უსურვებენ.
„მშობლიური სკოლა ულოცავს მარიამსა და მადლენას და უსურვებს წარმატებებს ცხოვრების ახალ ასპარეზზე“,- აღნიშნავენ სკოლაში.
იხილეთ ფოტოები:
