ქუთაისის N40 საჯარო სკოლაში არაერთი წარმატებული მოსწავლე სწავლობს, რომელთა მიღწევებს დირექცია საზოგადოებას დიდი სიხარულით უზიარებს.
ამჯერად, სკოლა მათე გოგელიძეს გვაცნობს, რომელიც გახდა ოქროს ქამრის მფლობელი და სომხეთის ჩემპიონი.
მოსწავლემ წარმატებით იასპარეზა ტურნში, რომელსაც, როგორც სკოლაში გვეუბნებიან, ერთადერთი ოფიციალური ფედერაცია სომხეთში, ასევე ევროპის CH1-1 ოქროს ქამრის კონფედერაცია და შიდოკას ეროვნული ფედერაცია ყოველწლიურად აწყობს.
საერთაშირისო ტურნირი კიკბოქსინგში ერევანში 23-24 თებერვალს ჩატარდა, სადაც წარმატებით წარდგა ქუთაისის სპორტული დაწესებულება. სწორედ ქუთაისის სპორტული დაწესებულების სპორტსმენი გახლავთ, მე-40 საჯარო სკოლის მე-11ა კლასის მოსწავლე მათე გოგელიძე, რომელმაც როგორც უკვე აღვნიშნეთ, ოქროს ქამარი მოიპოვა და ტურნირის ჩემპიონი გახდა.
სკოლაში მოსწავლეს წარმატებას ულოცავენ და წინსვლას უსურვებენ.
„ვულოცავთ მათეს გამარჯვებას და ვუსურვებთ წარმატებას მომავალშიც“,- აღნიშნავენ სკოლაში.
იხილეთ ფოტოები:
