წყალტუბოს მუნიციპალიტეტის სოფელ მესხეთის საჯარო სკოლაში სასწავლო წელი არაერთი საინტერესო აქტივობითა თუ ღონისძიებითაა გაჯერებული. 

აღსანიშნავია, რომ სკოლას აქტიური მოსწავლეთა თვითმართველობა ჰყავს. ამჯერად, მათი ინიციატივითა და პედაგოგ ანა რიჟამაძის ხელმძღვანელობით, მეცნიერ ქალთა და გოგონათა საერთაშორისო დღე აღინიშნა.

როგორც სკოლაში გვიყვებიან, ღონისძიება ინფორმაციული ხასიათის იყო. დამსწრე სასკოლო საზოგადოებამ, ელექტრონული რესურსების გამოყენებით, მეცნიერ ქალბატონებზე საინტერესო ისტორიები ნახა და მოისმინა.

აქტივობებმა დიდი წარმატებით ჩაიარა.

იხილეთ ფოტოები: