დედოფლისწყაროს მუნიციპალიტეტის სოფელ ზემო ქედის N2 საჯარო სკოლაში პროექტებით სწავლება წარმატებით მიმდინარეობს.
ახლახან, სკოლის III კლასში ბუნებისმეტყველების მასწავლებელმა - თამარ ნებიერიძემ და კომპიუტერული ტექნოლოგიების მასწავლებელმა - ეკატერინე ჩიტაურმა განახორციელეს პროექტი - „ტყეების მრავალფეროვნება“.
როგორც სკოლაში გვიყვებიან, პედაგოგებმა მოსწავლეებს შესთავაზეს ვირტუალურად ემოგზაურათ ტყეში და შექმნილი შთაბეჭდილებებით გაეხმოვანებინათ თავისივე შექმნილი ტყეები.
მოსწავლეებმა პროგრამაში შექმნეს მათთვის ნაცნობი ხეების ტყის მოდელი. სამი ტიპის ტყე: ფოთლოვანი, წიწვოვანი და შერეული. ასევე - თემის შესაბამისად ბინადარი ცხოველები, ფრინველები, მცენარეები, მწერები და ბუნებისა და ცხოველების აუდიოგახმოვანება.
„პროექტი საკმაოდ სახალისოდ და ემოციურად წარიმართა. მოსწავლეები საკუთარი ცოდნის დემონსტრირებით კმაყოფილი იყვნენ. შექმნილი ნამუშევრები გაუზიარეს მასწავლებლებს და თანაკლასელებს“,- გვეუბნებიან სკოლაში.
სკოლის დირექცია მადლობას უხდის მასწავლებელს და მოსწავლეებს განხორციელებული პროექტისთვის და უსურვებს წარმატებას
იხილეთ მოსწავლეთა ნამუშევრები:
