თეთრიწყაროს მუნიციპალიტეტის ცხრა ძმა ხერხეულიძის სახელობის მარაბდის საჯარო სკოლაში 1921 წლის 25 თებერვალი გაიხსენეს.
საბჭოთა ოკუპაციის დღესთან დაკავშირებით, სკოლაში არაერთი საგანმანათლებლო აქტივობა მოეწყო.
ქართული ენისა და ლიტერატურის კათედრის ჩართულობით : IX, X და XI კლასის მოსწავლეებმა გამართეს პრეზენტაცია და გაიხსენეს 1921 წლის მოვლენები.
მონაწილეებმა ნახეს აგრეთვე დოკუმენტური ფილმები: მარო მაყაშვილსა და ქართველ იუნკერებზე. შექმნეს თემატური პოსტერი. ასევე ახალგაზრდებმა წაიკითხეს მარო მაყაშვილის დღიურის ჩანაწერები. მათ მხატვრულად წაუკითხეს აუდიტორიას კ.ნადირაძის ცნობილი ლექსი - „25 თებერვალი“
„ჩვენ გვახსოვს ჩვენი წარსული და ამიტომ ვირჩევთ ევროპულ მომავალს“,- ასეთია მოსწავლეთ გზავნილი.
25 თებერვალი საბჭოთა ოკუპუციის დღეა. 102 წლის წინ, 1921 წლის 25 თებერვალს, თბილისში ბოლშევიკების მე-11 არმია შემოიჭრა, ქალაქი აიღო და საქართველო საბჭოთა სოციალისტურ რესპუბლიკად გამოაცხადა.
იხილეთ ფოტოები:
