თბილისის N161 საჯარო სკოლაში, მოსწავლეებს ევროპულ ფასეულობებზე ზრდიან, მათ სწორ ღირებულებებს უღვივებენ და აერთიანებენ ისტორიული სიტყვების - „მე ვარ ქართველი, და მაშასადამე, ვარ ევროპელი!“, გარშემო.
შესაბამისად, სკოლაში განსაკუთრებულად აღინიშნა ჩვენი ქვეყნისთვის ევროკავშირის წევრობის კანდიდატის სტატუსის მინიჭება.
საქართველოს თანამედროვე ისტორიაში, ამ მნიშვნელოვან მოვლენას, სკოლაში ღონისძიება -„მოგზაურობა ევროპაში“, მიეძღვნა.
ღონისძიებაზე მოსწავლეებმა, შეასრულეს სხვადასხვა ქვეყნის ეროვნული ჰიმნი, წარმოაჩინეს ტრადიციული სამოსი, ცეკვა, ნაციონალური სამზარეულო და ღირსშესანიშნაობები.
მოსწავლეებმა წარადგინეს ევროკავშირის წევრი ქვეყნები: პოლონეთი - ნონა ჭრელაშვილმა; საბერძნეთი - მარიკა გივიაშვილმა; ბულგარეთი - მარინა წურწუმიამ; პორტუგალია - ქეთი მაისურაძემ; საფრანგეთი - თეონა ალექსიძემ; ნიდერლანდები - მაცაცო იმნაძემ; გერმანია - ირმა ანდღულაძემ; დანია - ნინო ნარინდოშვილმა; საქართველო - მაკა ორაგველიძემ; რუმინეთი - ლალი მიროტაძემ; ესპანეთი - ინგა ქევხიშვილმა; ფინეთი - ნინო თავართქილაძემ; შვედეთი - ნანა ჩაკვეტაძემ; უნგრეთი - ნინო ნიკოლაძემ; იტალია - თათა ლაღიძემ; ბელგია - თამუნა ძაძამიამ; ესტონეთი - მზია ქურიძემ; ხორვატია - თინა ჩხაიძემ; ავსტრია - ეკა ლოლაშვილმა; მალტა - მარინა მორჩილაძემ; ჩეხეთი - მარინა ბუგიანიშვილმა და ლატვია - რუსუდან მიქაძემ.
ღონისძიება დაუვიწყარი აღმოჩნდა, როგორც მოსწავლეებისთვის, ასევე დამსწრე საზოგადოებისთვის, მათ უკეთ გაიაზრეს საქართველოსთვის ევროპული ოჯახის წევრობის მნიშვნელობა.
იხილეთ ფოტოები:
