საქართველოს საპატრიარქოს წმინდა იოანე ბოლნელის სახელობის სკოლაში სასწავლო წლის განმავლობაში საინტერესო და მოსწავლეთა მრავალმხრივ განვითარებაზე ორიენტირებული გაკვეთილები ტარდება.
ამჯერად, სკოლის მე-11 კლასში, პედაგოგ ლიკა დევნოზაშვილის ხელმძღვანელობით, თემაზე - „1832 წლის შეთქმულების გავლენა ქართულ ლიტერატურაში“ საინტერესო ღია გაკვეთილი ჩატარდა.
მოსწავლეებმა აღნიშნულ საკითხთან დაკავშირებით თემები: „საუკუნის ტრაგიკული დასაწყისი“, „ქართული რომანტიზმის ინდივიდუალიზმი“, „1832 წლის შეთქმულების გაცემა, როგორც ეროვნული იდეალების საბოლოო მარცხი“, „თერგდალეულები მამათა და შვილთა ბრძოლა“ გაინაწილეს. ბავშვებმა თემების გარშემო საინტერესო ინფორმაციები მოიძიეს და ერთმანეთს გაუზიარეს.
ეს დღე საინტერესო და ინფორმაციული იყო მოსწავლეთათვის. გაკვეთილზე მათ ცოდნა წარმოაჩინეს და დრო ნაყოფიერად გაატარეს.
აღსანიშნავია, რომ მსგავსი აქტივობები მოსწავლეებს ქვეყნის ისტორიას უკეთ აცნობს.
იხილეთ ფოტოები:
