მარტვილის მუნიციპალიტეტის სოფელ დიდი ჭყონის N1 საჯარო სკოლაში, საგაკვეთილო პროცესის ხალისიანი აქტივობებით წარმართვასა და მოსწავლეთა ინტერესებზე მორგებას დიდი ყურადღება ეთმობა.
ამჯერად, VIII კლასის მოსწავლეებმა ქართული ლიტერატურის გაკვეთილზე პროექტის - „ადამიანი და გარემო“, ფარგლებში უყურეს ფრანგი მწერლის ჟან ჟიონის მოთხრობის საფუძველზე შექმნილ ანიმაციურ ფილმს - „ადამიანი, რომელიც ხეებს რგავდა“.
როგორც სკოლაში გვიყვებიან, გაკვეთილი ემსახურებოდა მოსწავლეებში მდგრადი განვითარების ცნობიერების ამაღლებას.
აღსანიშნავია, რომ მასწავლებელმა ნონა თოდუამ მოსწავლეებს დაავალა ესეს დაწერა, თემაზე - „ადამიანი და გარემო“, ინიციატივაში კი, მოსწვალეები დიდი სიამოვნებით ჩაერთნენ.
გაკვეთილი სახალისო, დასამახსოვრებელი და შემეცნებითი აღმოოჩნდა მოსწავლეებისთვის.
იხილეთ ფოტოები:
