დავით სარაჯიშვილის სახელობის ქალაქ თბილისის N16 საჯარო სკოლის პედაგოგები სწავლების თანამედროვე მეთოდებს მიმართავენ, რაც მოსწავლეთა მოტივაციასა და სწავლის ხარისხზე აისახება. 

„სწავლა კეთებით“ სწავლების ერთ-ერთი მნიშვნელოვანი მეთოდია, რომელიც ემყარება გამოცდილებასა და სოციალურ ინტერაქციას .ის ბავშვებს სხვადასხვა უნარის წარმოჩენის საშუალებას აძლევს და აჩვევს ფიქრს, მოქმედებას, წარმოსახვასა და ინტერპერსონალურ ურთიერთობებს“,-გვეუბნება პედაგოგი ნანა მერკვილაძე, რომელმაც სწორედ აღნიშნული მიზნით მე-2 ^გ კლასის მოსწავლეებთან სამუშაოდ შეარჩია საინტერესო კომპლექსური დავალება, რომლის პირობა იყო - „თოჯინის დამზადების პროცესისა და თოჯინის აღწერა“.  დავალების ცნება - ტექსტი; ქვეცნება-აღწერა, აღწერის მახასიათებლები; საკითხი - ხელნაკეთი თოჯინის აღწერა ნიშან-თვისებებისა და თანმიმდევრობის გამომხატველი სიტყვებით.

მოსწავლეებმა კომპლექსურ დავალებაზე ხალისითა და ინტერესით იმუშავეს და ხელნაკეთი თოჯინები შექმნეს. 

დავალება ბავშვებისთვის სასწავლო-შემეცნებითთან ერთად სახალისო და თავშესაქცევი აღმოჩნდა. მათ დაკისრებულ მოვალეობას წარმატებით გაართვეს თავი. 

კომპლექსური დავალების აღწერა იხილეთ ბმულზე