თბილისის N36 საჯარო სკოლის კურსდამთავრებულები ცხოვრების გზაზე არერთ წარმატებას აღწევენ. 

ამჯერად, სკოლაში კურსდამთავრებულის, სპორტსმენის - მერაბ დვალიშვილის მიღწევით ამაყობენ. ის UFC 298-ზე ჰენრი სეხუდოს შეხვდა, ღირსეულად იასპარეზა და მსაჯთა ერთსულოვანი გადაწყვეტილებით, გაიმარჯვა. 

მას ამ წარმატებას სრულიად სასკოლო საზოგადოება და სკოლის დირექტორი - მაია კვინიკაძე მთელი სულითა და გულით ულოცავს.

„ვულოცავთ ჩვენი სკოლის კურსდამთავრებულს მერაბ დვალიშვილს წარმატებით ასპარეზობას. კიდევ უამრავ წინსვლასა და წარმატებას ვუსურვებთ“,- ამბობენ სკოლაში. 

აღსანიშნავია, რომ UFC-ის პრეზიდენტმა, დანა უაითმა პრესკონფერენციაზე დაადასტურა, რომ მერაბ დვალიშვილის მომდევნო ბრძოლა უკვე სატიტულო იქნება.