თბილისის N212 საჯარო სკოლის მოსწავლეთა ბიზნესპროექტი, სასკოლო-საგანმანათლებლო პროექტში, ერთ-ერთ საუკეთესოდ დასახელდა
22-02-2024
ნიკოლოზ ბარათაშვილის სახელობის ქალაქ თბილისის N212 საჯარო სკოლის მოსწავლეები აქტიურად ერთვებიან საგანმანათლებლო პროექტებში და საინტერესო ინიციატივებით გამოირჩევიან.
ამჯერად, მეათე კლასის მოსწავლეები - მარიამ მეზურნიშვილი, ანანო ზარქუა და ანანო ჯიჯიაშვილი, კავკასიის საერთაშორისო უნივერსიტეტის სასკოლო-საგანმანათლებლო პროექტში - „განავითარე შენი რეგიონი“, მონაწილეობდნენ.
პროექტის ფარგლებში, მოსწავლეებმა შექმნეს ბიზნესპროექტი, სახელწოდებით- „ნერგები“, რომელმაც საკმაოდ დიდი მოწონება დაიმსახურა, ჟიურის წევრებმა ის ერთ-ერთ საუკეთესო პროექტად დაასახელეს.
აღსანიშნავია, რომ მოსწავლეები დაჯილდოვდნენ სამახსოვრო სერტიფიკატებით.
სკოლა მადლობას უხდის კავკასიის საერთაშორისო უნივერსიტეტს საინტერესო პროექტებისათვის და თანამშრომლობისათვის.
იხილეთ ფოტოები:
სკოლების სიახლეები
