ახმეტის მუნიციპალიტეტის სოფელ დუისის საჯარო სკოლაში მოსწავლეთა წიგნიერების დონის ამაღლებასა და მათში კითხვისადმი ინტერესის გაღვივებას დიდი ყურადღება ეთმობა. 

სწორედ ამ მიზნით, მოსწავლეები, მოწოდების -„იკითხე ხმამაღლა შეცვალე მსოფლიო!“, ირგვლივ გაერთიანდნენ და საჯაროდ კითხვის მსოფლიო დღის აღნიშვნის კამპანიაში ჩაერთნენ. 

ეს დღე სკოლაში ლიტერატურული აქტივობებით აღინიშნა, მათ შორის,  სკოლას „წიგნიერების გამავრცელებელი საზოგადოების“, წარმომადგენელი მუსლიმ ბორჩაშვილი სტუმრობდა. 

სტუმარი დაწყებითი საფეხურის მოსწავლეებს შეხვდა, მათ წიგნიერებაზე ესაუბრა და გამართა დისკუსია. 

შეხვედრა ინტერაქციული, შემეცნებითი და დასამახსოვრებელი აღმოჩნდა მოსწავლეებისთვის. 

იხილეთ ფოტოები: