სოსო ღვინიაშვილის სახელობის გურჯაანის მუნიციპალიტეტის სოფელ ზემო კაჭრეთის საჯარო სკოლა წიგნის საჯაროდ კითხვის მსოფლიო კამპანიას აქტიურად შეუერთდა და მასშტაბური ღონისძიების ნაწილი გახდა.
წიგნის საჯაროდ კითხვის მსოფლიო დღესთან დაკავშირებით, მე-5 და მე-6 კლასის მოსწავლეებმა წაიკითხეს მიხეილ ჯავახიშვილის მოთხრობა - „პაპა დიმო“. განიხილეს მოცემული საკითხი, გამოიტანეს დასკვნები, რასაც როგორც სკოლაში აღნიშნავენ, გამოიყენებენ ცხოვრებისეულ ჭრილში.
აქტივობას პედაგოგები თ.ორველაშვილი და ქ.ორველაშვილი ხელმძღვანელობდნენ.
წიგნის საჯაროდ კითხვის მსოფლიო დღე მსოფლიოში ცნობილი ღონისძიებაა, რომელშიც 100 სხვადასხვა ქვეყნიდან მილიონობით ადამიანი მონაწილეობს და ერთიანდება საერთო სლოგანის გარშემო: „იკითხე ხმამაღლა, შეცვალე მსოფლიო!“ ეს დღე ადამიანებს მთელი მსოფლიოდან შესაძლებლობას აძლევს გაერთიანდნენ, გაიზიარონ წიგნის ხმამაღლა კითხვის სიხარული და თავადაც შეიტანონ წვლილი კითხვის პოპულარიზაციაში.
იხილეთ ფოტოები:
