ნინოწმინდის მუნიციპალიტეტის სოფელ გორელოვკის N3 საჯარო სკოლა წიგნის საჯაროდ კითხვის მსოფლიო კამპანიას აქტიურად შეუერთდა და მასშტაბური ღონისძიების ნაწილი გახდა.
მე-5 კლასის მოსწავლეებმა, მასწავლებელ მარიამ ჯვარიძის ხელმძღვანელობით, წიგნის საჯაროდ კითხვის მსოფლიო დღე აღნიშნეს.
მოსწავლეებმა შერჩეული ნაწარმოებებიდან საინტერესო ეპიზოდები ხმამაღლა წაიკითხეს, წაკითხული თემის გარშემო მოსაზრებები ერთმანეთს გაუზიარეს. მეხუთეკლასელებმა ასევე ისაუბრეს წიგნის კითხვის მნიშვნელობასა და აუცილებლობაზე.
წიგნის საჯაროდ კითხვის მსოფლიო დღე მსოფლიოში ცნობილი ღონისძიებაა, რომელშიც 100 სხვადასხვა ქვეყნიდან მილიონობით ადამიანი მონაწილეობს და ერთიანდება საერთო სლოგანის გარშემო: „იკითხე ხმამაღლა, შეცვალე მსოფლიო!“ ეს დღე ადამიანებს მთელი მსოფლიოდან შესაძლებლობას აძლევს გაერთიანდნენ, გაიზიარონ წიგნის ხმამაღლა კითხვის სიხარული და თავადაც შეიტანონ წვლილი კითხვის პოპულარიზაციაში.
იხილეთ ფოტო:
