ონის მუნიციპალიტეტის სოფელ უწერის საჯარო სკოლაში მოსწავლეებს პროფესიული ორიენტაციის განსაზღვრაში ეხმარებიან.
უწერის საჯარო სკოლა ჩართულია პროფესიული უნარების სააგენტოს ქვეპროგრამაში - „საჯარო სკოლებში პროფესიული განათლების განვითარების ხელშეწყობა“.
როგორც სკოლაში გვიყვებიან, გასული წლის გაზაფხულზე განხორციელდა სასერტიფიკატო პროგრამა -„კომპიუტერის პროგრამული უზრუნველყოფა“, კოლეჯ „ერქვანის“ ჩართულობითა და მხარდაჭერით.
მიმდინარე წლის იანვრიდან კი, კოლეჯის ჩართულობითა და მხარდაჭერით ხორციელდება ახალი კურსები, კერძოდ - „საოჯახო სასტუმროს მართვა“.
როგორც სკოლაში გვიყვებიან, აღნიშნულ კურსში ჩართულები არიან მე-10 და მე-11 კლასის მოსწავლეები. კურსის დასრულების შემდეგ კი, მათ სერტიფიკატები გადაეცემათ.
სკოლა მადლობას უხდის პროფესიული უნარების სააგენტოსა და კოლეჯ „ერქვანს“ მხარდაჭერისთვის.
„წარმატებებს ვუსურვებთ ჩვენს სკოლასა და მოსწავლეებს“, - აღნიშნავენ სკოლაში.
იხილეთ ფოტოები:
