თბილისის N136 საჯარო სკოლის პედაგოგები მოსწავლეებს საინტერესო და მათ მრავალმხრივ განვითარებაზე ორიენტირებულ აქტივობებს სთავაზობენ, რომლებშიც ბავშვები დიდი მონდომებით მონაწილეობენ.
ამჯერად, სკოლაში, მე-6 ბ კლასის მოსწავლეებმა ქართული ენისა და ლიტერატურის მასწავლებლის - მზია ჭეიშვილის ხელმძღვანელობით, შთამბეჭდავი რეკლამები მოამზადეს.
პედაგოგმა თავდაპირველად მოსწავლეებს რეკლამის არსი, მიზნები და ამოცანები გააცნო. მან ბავშვებს აუხსნა თუ რა გავლენას ახდენს ის საზოგადოებაზე.
„ტელევიზორში, რადიოში, ქუჩაში, ჟურნალ-გაზეთებში თუ ტრანსპორტში ხშირად ვხვდებით რეკლამებს. რეკლამა იმისთვისაა, რომ ამ ნაწარმის, ქმნილებისა და ნივთის არსებობის შესახებ საზოგადოებამ შეიტყოს, რათა შემდეგ მსურველებმა შეძენა მოინდომონ“, - აღნიშნავს მასწავლებელი.
მისივე თქმით, კარგად მოფიქრებულ რეკლამაში არის:
- ძირითადი, წამყვანი ფრაზა-სლოგანი;
- მოკლე, ლაკონური ტექსტი(ინფორმაცია ნაწარმის შესახებ);
- მიმზიდველი ფერები და დიზაინი;
- ვისთვისაა განკუთვნილი ეს ნაწარმი;
- ხაზგასმულია ამ ნაწარმის უპირატესობა და ღირსება.
აქტივობა საინტერესო, შემოქმედებითი და დასამახსოვრებელი იყო.
აღსანიშნავია, რომ მსგავსი აქტივობები მოსწავლეებს საჭირო ცოდნასა და უნარებს სძენს.
იხილეთ ვიდეო:
