ხელვაჩაურის მუნიციპალიტეტის სოფელ განთიადის საჯარო სკოლაში მოსწავლეებში სპორტისა და ჯანსაღი ცხოვრების წესის პოპულარიზაციას მნიშვნელოვანი ყურადღება ექცევა, რაც მოსწავლეთა მოტივაციასა და მიღწევებზე აისახება. 

განთიადის საჯარო სკოლის მოსწავლეები ისევ არ თმობენ საპრიზო ადგილს. აჭარის სკოლებს შორის გამართულ მაგიდის ჩოგბურთის შეჯიბრში - როგორც ვაჟებში, ისე გოგონათა შორის, ისევ საპრიზო ადგილი დაიკავეს.

მოსწავლეთა მასწავლებელი რომან ცეცხლაძე გახლავთ, რომელიც ახალგაზრდების ფიზიკურ განვითარებასა და მათი სპორტით დაინტერესებაზე დაუღალავად ზრუნავს. 

სკოლაში მოსწავლეებსა და მათ მასწავლებლებს გამარჯვებას ულოცავენ. 

„ვულოცავთ, რომან მასწავლებელს (რომან ცეცხლაძე) და ჩვენი სკოლის გუნდებს კიდევ ერთ მნიშვნელოვან წარმატებას“,- აღნიშნავენ სკოლაში. 

იხილეთ ფოტოები: