მესტიის მუნიციპალიტეტის სოფელ კალის საჯარო სკოლაში არაერთი წარმატებული მოსწავლე სწავლობს, რომელთა წინსვლას დირექცია საზოგადოებას დიდი სიხარულით უზიარებს. 

ამჯერად, სკოლაში მარიამ მარგველანის წარმატებას აღნიშნავენ. 

მარიამ მარგველანმა მონაწილეობა მიიღო ინგლისურენოვან, საერთაშორისო ახალგაზრდულ სამიტში. სამიტის თემა იყო - „ურთიერთობები“. მარიამის პრეზენტაციამ როგორც ქართველი, ასევე უცხოელი ექსპერტის დიდი მოწონება დაიმსახურა და სერტიფიკატით დაჯილდოვდა.

სკოლაში მოსწავლეს მიღწეულს ულოცავენ და წინსვლას უსურვებენ. 

„ბევრი წარმატება მარიამს მომავალშიც, ეროვნულ და საერთაშორისო ასპარეზზე“,- აღნიშნავენ სკოლაში. 

იხილეთ ფოტოები: