წყალტუბოს N1 საჯარო სკოლაში დაცული ტერიტორიების სააგენტოს ხელმძღვანელმა ნარჩენების მართვის შესახებ საინტერესო პრეზენტაცია ჩაატარა
15-02-2024
ოტია იოსელიანის სახელობის წყალტუბოს N1 საჯარო სკოლაში, მოსწავლეებს გარემოს მოფრთხილებასა და მასზე ზრუნვას დაწყებითი კლასებიდანვე ასწავლიან. სწორედ ამიტომ, სკოლაში გარემოსდაცვითი აქტივობები ხშირად იმართება.
ამჯერად, სკოლის სააქტო დარბაზში, თემის - „ვმართოთ ნარჩენები, დავიცვათ გარემო“ ფარგლებში, დაცული ტერიტორიების სააგენტოს ხელმძღვანელმა - ლაშა ერბელიძემ, ნარჩენების მართვასა და გარემოს დაბინძურებასთან დაკავშირებით საინტერესო პრეზენტაცია წარადგინა.
მან ისაუბრა იმის შესახებ, თუ რაოდენ მნიშვნელოვანია გარემოზე ზრუნვა.
სტუმარს მოსწავლეები გულისყურით უსმენდნენ - მათ საჭირო ინფორმაცია მიიღეს, რაც მომავალში აუცილებლად გამოადგებათ.
აღსანიშნავია, რომ მსგავსი აქტივობები მოსწავლეებში ეკოცნობიერების დონის ამაღლებას ხელს უწყობს.
იხილეთ ფოტოები:
სკოლების სიახლეები
