თბილისის N14 საჯარო სკოლის მე-4ბ კლასი, დამრიგებლის - ინდირა მანველიშვილის ხელმძღვანელობით, წიგნის საჯაროდ კითხვის მსოფლიო კამპანიას არაერთი საინტერესო აქტივობით შეუერთდა.
წიგნის საჯაროდ კითხვის მსოფლიო დღეს მე-42 კლასში კვირეული მიეძღვნა. კვირეული 1-ელიდან 7-თებერვლამდე გაგრძელდა და მრავალფეროვნებით გამოირჩეოდა.
„აქტივობაში გვეხმარებოდა სკოლის ბიბლიოთეკა და მისი ხელმძღვანელი ეკა სურგულაძე. კვირეულის ფარგლებში მოეწყო აქტივობა - „ჩემი პირველი წიგნი“, ბიბლიოთეკარმა შეგვირჩია მხატვრული ლიტერატურა, მოვიწვიეთ უფროსკლასელები და 7 თებერვალს წავიკითხეთ მოთხრობები, ლექსები, შევაქეთ მხატვრული კითხვის „ოსტატები“,- გვიყვება პედაგოგი ინდირა მანველიშვილი და დასძენს, რომ ბავშვები აქტივობებით კმაყოფილნი დარჩნენ და ლიტერატურის კითხვის მნიშვნელობა კიდევ ერთხელ გაიაზრეს.
წიგნის საჯაროდ კითხვის მსოფლიო დღე მსოფლიოში ცნობილი ღონისძიებაა, რომელშიც 100 სხვადასხვა ქვეყნიდან მილიონობით ადამიანი მონაწილეობს და ერთიანდება საერთო სლოგანის გარშემო: „იკითხე ხმამაღლა, შეცვალე მსოფლიო!“ ეს დღე ადამიანებს მთელი მსოფლიოდან შესაძლებლობას აძლევს გაერთიანდნენ, გაიზიარონ წიგნის ხმამაღლა კითხვის სიხარული და თავადაც შეიტანონ წვლილი კითხვის პოპულარიზაციაში.
იხილეთ ფოტოები:
