ხელვაჩაურის მუნიციპალიტეტის სოფელ თხილნარის N2 საჯარო სკოლაში მოსწავლეთა პატრიოტული სულისკვეთების ამაღლებას მნიშვნელოვანი ყურადღება ეთმობა.
შესაბამისად, სასკოლო საზოგადოების ყურადღების მიღმა არ დარჩენილა დიდი ქართველი მეფის დავით აღმაშენებლის ხსენების დღეს.
აღნიშნულ დღესთან დაკავშირებით, თხილნარის N2 საჯარო სკოლაში, საზოგადოებრივ მეცნიერებათა კათედრამ ღონისძიება დაგეგმა, რომელიც მეტად საინტერესოდ წარიმართა. ღონისძიების ხელმძღვანელმა - მზია დუმბაძემ სიტყვით მიმართა დამსწრე საზოგადოებას, მოსწავლეებმა დიდებული მეფის შესახებ პრეზენტაცია მოამზადეს და ქართველი ერის წინაშე მისი ღვაწლი აღნიშნეს.
მოზარდებმა, ასევე, წაიკითხეს ლექსები და ცნობილ ადამიანთა გამონათქვამები.
დავით აღმაშენებლის ხსენების დღეს ქართული მართლმადიდებლური ეკლესია 8 თებერვალს აღნიშნავს. დავით IV აღმაშენებელი 1125 წლის 24 იანვარს (ახალი სტილით 8 თებერვალს) გარდაიცვალა.
იხილეთ ფოტოები:
