თეთრიწყაროს N1 საჯარო სკოლაში წარმატებით მუშაობს ლიტერატურული კლუბი „მთიები“. წლების მანძილზე არაერთი ლიტერატურული საღამო ჩატარებულა.
ამჯერად, კლუბის ინიციატივით შეირჩა დიდი ქართველი მწერლისა და საზოგადო მოღვაწის სულხან-საბა ორბელიანის ცხოვრება და შემოქმედება.
როგორც სკოლაში გვიყვებიან, ღონისძიება მიეძღვნა მწერლის დაბადებიდან 365-ე წლისთავს. ლიტერატურულ ღონისძიებაში მონაწილეობდნენ მე-10 კლასის მოსწავლეები.
მოსწავლეებმა გაიხსენეს მწერლის განვლილი ცხოვრების ურთულესი და მძიმე გზა. მიმოიხილეს სულხან-საბა ორბელიანის „მოგზაურობა ევროპაში“, ქართული ენის განმარტებითი ლექსიკონი - „სიტყვის კონა“, თარგმანები... წაიკითხეს იგავ-არაკთა კრებულიდან - „სიბრძნე-სიცრუისა“ არაერთი იგავი: „ფილოსოფოსი და ვირი“, „უნაღვლოთა მძებნელი“, „თვალხილული და უსინათლო“, „მღმერთობელი მეფე და მისი ვაზირი“....
დასასრულს, მეათეკლასელებმა მწერლის ბრძნული შეგონებები დაუკავშირეს დღევანდელობას და გამოთქვეს საკუთარი აზრი.
იხილეთ ფოტოები:
