ხონის N4 საჯარო სკოლის მოსწავლეები წიგნის საჯაროდ კითხვის მსოფლიო კამპანიას აქტიურად შეუერთდნენ და გაერთიანდნენ სლოგანის - „იკითხე ხმამაღლა, შეცვალე მსოფლიო“ გარშემო.
წიგნის საჯაროდ კითხვის დღეს მეოთხე და მეექვსე კლასის მოსწავლეებს მიწვეულმა სტუმრებმა, ამავე სკოლის კურსდამთავრებულმა, ხონის საკრებულოს წევრმა, დევნილთა საინიციატივო საბჭოს წარმომადგენელმა - ბაჩანა ბასილაიამ და საქართველოს თავდაცვის ძალების დასავლეთ სარდლობის მეექვსე საარტილერიო ბრიგადის სერჟანტმა ამირან ბუაძემ თავიანთი საყვარელი წიგნებიდან ნაწყვეტები წაუკითხეს და წიგნიერების მნიშვნელობის შესახებ ესაუბრნენ.
წიგნის საჯაროდ კითხვის მსოფლიო დღე მსოფლიოში ცნობილი ღონისძიებაა, რომელშიც 100 სხვადასხვა ქვეყნიდან მილიონობით ადამიანი მონაწილეობს და ერთიანდება საერთო სლოგანის გარშემო: „იკითხე ხმამაღლა, შეცვალე მსოფლიო!“ ეს დღე ადამიანებს მთელი მსოფლიოდან შესაძლებლობას აძლევს გაერთიანდნენ, გაიზიარონ წიგნის ხმამაღლა კითხვის სიხარული და თავადაც შეიტანონ წვლილი კითხვის პოპულარიზაციაში.
იხილეთ ფოტოები:
