საჯაროდ კითხვის დღისადმი მიძღვნილი ლიტერატურული აქტივობები პატარა ირაგის საჯარო სკოლაში
13-02-2024
ამრიდონ ჩეგიანის სახელობის თეთრიწყაროს მუნიციპალიტეტის სოფელ პატარა ირაგის საჯარო სკოლაში საჯაროდ კითხვის მსოფლიო დღე ლიტერატურული აქტივობებით აღინიშნა.
აქტივობებს, მასწავლებლები: ქეთო პაკელიანი და მარიამ წიკლაური ხელმძღვანელობდნენ და მათში, მე-3 - მე-9 კლასების მოსწავლეები, დიდი ინტერესითა და შემართებით იყვნენ ჩართულნი.
ამ დღესთან დაკავშირებით, მოსწავლეებმა ერთმანეთს წაუკითხეს ქართველი და უცხოელი მწერლების თხზულებები, ეზიარნენ პოეზიას და თავიანთი შთაბეჭდილებები გააზიარეს.
„იკითხე ხმამაღლა, შეცვალე მსოფლიო!“, - მოსწავლეები ამ იდეის ირგვლივ გაერთიანდნენ, კიდევ ერთხელ გაიაზრეს წიგნიერი საზოგადოების მნიშვნელობა.
იხილეთ ფოტოები:
სკოლების სიახლეები
