წალენჯიხის მუნიციპალიტეტის, საჩინოს თემის N2 საჯარო სკოლაში სასწავლო წელი მრავალფეროვანი აქტივობებითაა დატვირთული.
ახლახან, საბუნებისმეტყველო საგნების კათედრის მასწავლებლებმა ბავშვებს საინტერესო აქტივობა შესთავაზეს. მე-7, მე-11 კლასების ჩათვლით მოსწავლეებმა შეისწავლეს სასწავლო საკითხები სხვადასხვა საგანში და პრაქტიკული დავალებები მშობლების დახმარებით აქტიურად განახორციელეს. მათ თეორიული ცოდნა პრაქტიკაში შესანიშნავად გამოიყენეს.
დავალებები მოიცავდა შემდეგ აქტივობებს:
- ბიოლოგია – საფუარი სოკოები (პურის გამოცხობის მაგალითზე);
- ფიზიკა – სითბური მოვლენები, დენი, ნივთიერების აგრეგატული მდგომარეობა (ღომის მომზადება);
- ქიმია – ფერმენტები, ქიმიური რეაქცია და მასზე მოქმედი ფაქტორები (ყველის მომზადება).
მოსწავლეებმა, როგორც სკოლაში გვიყვებიან, თითოეული ნაბიჯს შესაბამისი სტატუსი (ფიზიკური, ქიმიური თუ ბიოლოგიური მოვლენა) მიანიჭეს და მოამზადეს თვალსაჩინო პოსტერები.
აქტივობა შთამბეჭდავი და მრავალფეროვანი გამოვიდა.
აღნიშნულ აქტივობებს ხელმძღვანელობნდნენ მასწავლებლები: ანნა წულაია(ბიოლოგია), მამისა ფიფია(ფიზიკა), მაია გიორგაძე(ქიმია).
სკოლაში თითოეულ მათგან მადლობას უხდიან.
აღსანიშნავია, რომ მსგავსი პრაქტიკული დავალებები მოსწავლეებს თეორიული ცოდნის გამყარებაში ეხმარება, რაც აუცილებელია.
იხილეთ ფოტოები:
