ახალციხის N4 საჯარო სკოლაში სხვადასხვა მნიშვნელოვან საკითხთან დაკავშირებით საინტერესო პროექტები და აქტივობები ტარდება.
ამჯერად, სკოლაში სასკოლო პროექტი, „კიბერბულინგის საშიშროება“ განხორციელდა.
პროექტის ფარგლებში, სკოლას კლინიკური ფსიქოლოგი ანა ვარდუკაძე (პროექტის მენეჯერი მარინა გვარამაძე) სტუმრობდა.
აღნიშნულ დღეს მოსწავლეებმა ძალიან მნიშვნელოვანი ინფორმაცია მიიღეს. ისინი დეტალურად გაეცნენ ინფორმაციას კიბერბულინგის გავრცელებული ფორმების შესახებ.
ფსიქოლოგმა პრეზენტაციაში თვალნათლივ დაანახა თუ რა ფსიქოლოგიურ დარტყმას აყენებს კიბერბულინგი როგორც მსხვერპლს ასევე კიბერაგრესორს.
ის მოსწავლეებს თავდაცვის სტრატეგიებზე ესაუბრა.
როგორც სკოლაში გვიყვებიან, შეხვედრა ვორქშოპით გაგრძელდა. მოსწავლეებმა განიხილეს კიბერბულინგის რეალური „ქეისი“. შეხვედრა კითხვა-პასუხის რეჟიმით დასრულდა, რაშიც მოსწავლეები აქტიურად იყვნენ ჩართულნი.
„დიდი მადლობა ქალბატონ ანა ვარდუკაძეს ვიზიტისთვის“ , - აღნიშნავენ სკოლაში.
მსგავსი პროექტები მოსწავლეებს საჭირო, მათთვის აუცილებელ ინფორმაციას აცნობს, რაზეც სკოლა აქტიურად ზრუნავს.
იხილეთ ფოტოები:
