ნინოწმინდის მუნიციპალიტეტის სოფელ გორელოვკის N2 საჯარო სკოლაში წიგნის საჯაროდ კითხვის მსოფლიო დღე საინტერესოდ აღინიშნა.
ბავშვებმა თავიანთი საყვარელი ნაწარმოებები ხმამაღლა წაიკითხეს, მათ შესახებ იმსჯელეს და მოსაზრებები ერთმანეთს გაუზიარეს.
მოსწავლეებმა ასევე წიგნის მნიშვნელობასა და საჭიროებაზე ისაუბრეს, საზოგადოებას კითხვისკენ მოუწოდეს.
ეს დღე მოსწავლეთათვის საინტერესო და ინფორმაციული იყო
წიგნის საჯაროდ კითხვის მსოფლიო დღე მსოფლიოში ცნობილი ღონისძიებაა, რომელშიც 100 სხვადასხვა ქვეყნიდან მილიონობით ადამიანი მონაწილეობს და ერთიანდება საერთო სლოგანის გარშემო: „იკითხე ხმამაღლა, შეცვალე მსოფლიო!“ ეს დღე ადამიანებს მთელი მსოფლიოდან შესაძლებლობას აძლევს გაერთიანდნენ, გაიზიარონ წიგნის ხმამაღლა კითხვის სიხარული და თავადაც შეიტანონ წვლილი კითხვის პოპულარიზაციაში.
იხილეთ ფოტოები:
