ქუთაისის N12 საჯარო სკოლის მოსწავლეები სხვადასხვა სპორტულ შეჯიბრსა და აქტივობაში დიდი მონდომებით მონაწილეობენ, სადაც წარმატებას აღწევენ.
ამჯერად, სკოლის IVა და IVბ კლასების მოსწავლეები სპორტულ-გასართობ ღონისძიებაში - „მხიარული სტარტები“ მონაწილეობდნენ.
ღონისძიების ორგანიზატორები: ფიზიკური აღზრდის მასწავლებელი ვიქტორ ჩაჩავა და დამრიგებლები - რუსუდან აბაშიძე და მაია ჩეჩელაშვილი იყვნენ.
„მეტოქე გუნდებმა - „შევარდენმა“ ( IV ა) და „ათინათმა“( IV ბ) საინტერესოდ და სახალისოდ წარმართეს თამაშები - ამანათრბენი, ბურთის ტარება, ნიშნულების დაზიანება, გუნდაობა, კაპიტნების შეჯიბრი, გრინჩი და ნაძვის ხე“, - აღნიშნავენ სკოლაში.
თამაშში მონაწილე გუნდები შესაბამისი სიგელებით დაჯილდოვდნენ.
აღსანიშნავია, რომ სკოლაში სპორტისადმი სიყვარულს მოსწავლეებს დაწყებითი კლასებიდანვე უნერგავენ.
იხილეთ ფოტოები:
