წალკის მუნიციპალიტეტის დაბა ბედიანის საჯარო სკოლაში მოსწავლეთა განვითარებაზე, მოტივირებასა და ცოდნის გაღრმავებაზე ორიენტირებული გარემოა შექმნილი.
როგორც სკოლაში ამბობენ, მოსწავლეები წიგნს ყოველ დღე კითხულობენ. ამისთვის კი, შესაბამისი სივრცეცაა გამოყოფილი - ფოიე მეორე სართულზე, ბიბლიოთეკა და რესურსოთახი.
ამჯერად კი, მოსწავლეებმა წიგნის საჯაროდ კითხვის მსოფლიო დღე აღნიშნეს. ამ დღისთვის შემდეგი თემატიკა შეირჩა - ადამიანები, რომლებმაც შეცვალეს მსოფლიო. მოსწავლეები მაკიაველის, ალექსანდრე დიდის, სტალინის, კლეოპატრას, იულიუს კეისრის, ერნესტო ჩე გევარას, ფროიდის, აინშტაინის ცხოვრების დეტალებს გაეცნენ.
„წიგნის კითხვის მიმართ მოსწავლე ახალგაზრდობის გუნება-განწყობა, მოგეხსენებათ, საჭიროებს ფართო კამპანიას და პოპულარიზაციას ყველა დონეზე. მთავარია, ამ განწყობისათვის საუკეთესო დროის და ადგილის შერჩევა“,- ამბობენ სკოლაში.
იხილეთ ფოტოები:
