გიორგი ჭყონდიდელის სახელობის ქალაქ ფოთის N7 საჯარო სკოლაში მოსწავლეთა ეკოლოგიური ცნობიერების ამაღლებაზე ზრუნავენ. პედაგოგები მოსწავლეებს ამ მიმართულებით არაერთ აქტივობას სთავაზობენ.
2 თებერვალს, ჭარბტენიანი ტერიტორიების დაცვის საერთაშორისო დღესთან დაკავშირებით, ფოთის მე-7 საჯარო სკოლის მოსწავლეებმა მოამზადეს პრეზენტაცია. სადაც ისაუბრეს ჭარბტენიანი ტერიტორიების მნიშვნელობაზე, მის უნიკალურობასა და სარგებლიანობაზე. პრეზენტატორებმა ასევე აღნიშნეს საქართველოს დაცულ ტერიტორიები და მათი მოფრთხილების აუცილებლობა.
სასწავლო პროცესს პედაგოგი ანა კვასხვაძე ხელმძღვანელობდა, რომელიც მოსწავლეებს საინტერესო სასწავლო პროცესს სთავაზობს.
რამსარის კონვენციის ხელმოწერის თარიღის მიხედვით, ჭარბტენიანი ტერიტორიების დაცვის მსოფლიო დღე ყოველწლიურად 2 თებერვალს აღინიშნება. კონვენცია, ჭარბტენიანი ტერიტორიების შენარჩუნების მიზნით, 1971 წელს ირანის ქალაქ რამსარში მიიღეს. საქართველო რამსარის კონვენციას 1996 წელს შეუერთდა.
იხილეთ ფოტოები:
