ქალაქ აბაშის კვათანის საჯარო სკოლაში სასწავლო წელი საინტერესოდ და აქტიურად მიმდინარეობს. პედაგოგები მოსწავლეებს მოტივაციის ამაღლებისა და საგაკვეთილო პროცესში ჩართულობის გაზრდის მიზნით, მრავალფეროვან აქტივობებს სთავაზობენ.
ამჯერად, VI კლასში, ქართული ენისა და ლიტერატურის გაკვეთილზე, პედაგოგმა - მარიამ ჯოჯუამ მოსწავლეებს თემაზე - „სიცილი გადამდებია“ საინტერესო აქტივობები განახორციელა, რომელშიც მოსწავლეები დიდი ენთუზიაზმით ჩაერთნენ.
ბავშვებმა როგორც ქართული, ასევე უცხოური ზღაპრები წაიკითხეს, მათ შესახებ ისაუბრეს და მთავარი პერსონაჟების ნახატები შექმნეს.
აქტივობა მოსწავლეთათვის სახალისო, საინტერესო და დასამახსოვრებელი იყო.
აღსანიშნავია, რომ მსგავსი აქტივობები და გაკვეთილები მოსწავლეთა განწყობის ამაღლებასა და მრავალმხრივ განვითარებას ხელს უწყობს.
იხილეთ ფოტოები:
