ქობულეთის მუნიციპალიტეტის სოფელ საჩინოს საჯარო სკოლაში საჯაროდ კითხვის მსოფლიო დღე საინტერესო ინიციატივით აღინიშნა. 

ამ დღესთან დაკავშირებით, მე-2 კლასის მოსწავლეები ბიბლიოთეკას ეწვივნენ, ბიბლიოთეკაში წიგნით სარგებლობის წესებს გაეცნენ, მათთვის სასურველი საბავშვო წიგნები აირჩიეს და ერთმანეთს კითხვაში გაეჯიბრნენ. 

დღე საინტერესო, ემოციებით დატვირთული და სახალისო აღმოჩნდა მოსწავლეებისთვის. 

სკოლაში გააზრებული აქვთ თუ რამდენად მნიშვნელოვანია მოსწავლეების წახალისება და მათი მხატვრული ლიტერატურით დაინტერესება, ამ მიზნით კი, სკოლაში არაერთი შემეცნებითი ღონისძიება ეწყობა. 

იხილეთ ფოტოები: