ბესიკ ხულორდავას სახელობის მარტვილის მუნიციპალიტეტის სოფელ სალხინოს საჯარო სკოლა წიგნის საჯაროდ კითხვის მასშტაბურ კამპანიას აქტიურად შეუერთდა.
ეს დღე, სკოლაში, მოსწავლეთა თვითმმართველობისა და „მკითხველთა კლუბის“ თაოსნობით აღინიშნა. მოსწავლეებმა საყვარელი მწერლების ნაწარმოებები ხმამაღლა წაიკითხეს და შემდგომ მათ შესახებ საინტერესოდ იმსჯელეს.
ბავშვებმა, ასევე, წიგნის კითხვის მნიშვნელობასა და აუცილებლობაზე იმსჯელეს, ერთმანეთს მოსაზრებები გაუზიარეს.
ეს დღე თითოეული მოსწავლისთვის საინტერესო, დასამახსოვრებელი და ინფორმაციული იყო.
წიგნის საჯაროდ კითხვის მსოფლიო დღე მსოფლიოში ცნობილი ღონისძიებაა, რომელშიც 100 სხვადასხვა ქვეყნიდან მილიონობით ადამიანი მონაწილეობს და ერთიანდება საერთო სლოგანის გარშემო: „იკითხე ხმამაღლა, შეცვალე მსოფლიო!“ ეს დღე ადამიანებს მთელი მსოფლიოდან შესაძლებლობას აძლევს გაერთიანდნენ, გაიზიარონ წიგნის ხმამაღლა კითხვის სიხარული და თავადაც შეიტანონ წვლილი კითხვის პოპულარიზაციაში.
იხილეთ ფოტოები:
