თბილისის N107 საჯარო სკოლაში წიგნის საჯაროდ კითხვის მსოფლიო დღე საინტერესოდ აღინიშნა.
წიგნიერების დღესასწაულთან დაკავშირებით, სკოლის უფროსკლასელებმა უმცროსკლასელებს საბავშვო ლიტერატურა წაუკითხეს და ისაუბრეს წიგნის კითხვის აუცილებლობაზე.
გაიმართა დისკუსია თემაზე - „წიგნიერების დონე ჩვენს სკოლაში“.
ერთ-ერთ ღონისძიებაზე მიწვეული იყო 2023 წლის კონკურსის - „გახდი ბესტსელერის ავტორი“ გამარჯვებული, სკოლის კურსდამთავრებული ანი ბალიაშვილი.
ღონისძიებები მოაწყვეს ქართული ენისა და ლიტერატურის მასწავლებლებმა - ნელი ჯალაბაძემ და ლელა ლეკიშვილმა.
წიგნის საჯაროდ კითხვის მსოფლიო დღე მსოფლიოში ცნობილი ღონისძიებაა, რომელშიც 100 სხვადასხვა ქვეყნიდან მილიონობით ადამიანი მონაწილეობს და ერთიანდება საერთო სლოგანის გარშემო: „იკითხე ხმამაღლა, შეცვალე მსოფლიო!“ ეს დღე ადამიანებს მთელი მსოფლიოდან შესაძლებლობას აძლევს გაერთიანდნენ, გაიზიარონ წიგნის ხმამაღლა კითხვის სიხარული და თავადაც შეიტანონ წვლილი კითხვის პოპულარიზაციაში.
იხილეთ ფოტოები:
