ყვარლის მუნიციპალიტეტის სოფელ გრემის საჯარო სკოლა წიგნის საჯაროდ კითხვის საერთაშორისო ინიციატივას აქტიურად შეუერთდა და მსოფლიოს მასშტაბური ღონისძიების ნაწილი გახდა.
მოსწავლეებმა შერჩეული ნაწარმოებებიდან ნაწყვეტები წაიკითხეს და წიგნის კითხვის მნიშვნელობაზე ისაუბრეს.
მოსწავლეები მსოფლიო ღონისძიებაში ხალისით ჩაერთნენ და წიგნის კითხვის პოპულარიზაციაში წვლილი შეიტანეს.
წიგნის საჯაროდ კითხვის მსოფლიო დღე მსოფლიოში ცნობილი ღონისძიებაა, რომელშიც 100 სხვადასხვა ქვეყნიდან 31 მილიონამდე ადამიანი მონაწილეობს და ერთიანდება სლოგანის - „იკითხე ხმამაღლა, შეცვალე მსოფლიო!“ გარშემო.
ეს დღე ადამიანებს მთელი მსოფლიოდან შესაძლებლობას აძლევს გაერთიანდნენ, გაიზიარონ წიგნის საჯაროდ კითხვის სიხარული და თავადაც შეიტანონ წვლილი კითხვის პოპულარიზაციაში.
იხილეთ ფოტოები:
