თბილისის N142 საჯარო სკოლაში მოსწავლეთა წიგნიერების დონის ამაღლებას მნიშვნელოვანი ყურადღება ექცევა. სწორედ ამიტომ, მოსწავლე-მასწავლებლებმა წიგნის საჯაროდ კითხვის მსოფლიო დღე დიდი ენთუზიაზმით აღნიშნეს.

სკოლის მე-9^გ და მე-9^დ კლასების მოსწავლეებმა, ქართული ენისა და ლიტერატურის პედაგოგის - მარინა სარალიძის ხელმძღვანელობით  წაიკითხეს ნაწყვეტები და ფრაზები მათთვის საყვარელი ნაწარმოებებიდან.

„მხატვრულად, გამომეტყველებით წარმოთქვეს ცნობილი პოეტების პატრიოტული ლექსები“, - გვიყვებიან სკოლაში.

მათ წაკითხულ ლექსებისა და ნაწარმოებების შესახებ საინტერესოდ იმსჯელეს, დრო კი ნაყოფიერად გაატარეს.

წიგნების კითხვის მიზანი იყო მოსწავლეების გემოვნებისა და აზროვნების დანახვა-წარმოჩენა.

„მოსწავლეებმა თვალნათლივ აჩვენეს კითხვის შედეგი: გამართული მეტყველებისა და მხატვრული აზროვნების აუცილებლობა. რატომ უნდა ვიკითხოთ? - რომ ვიყოთ უკეთესი, ვიდრე ვიყავით გუშინ!“, - აღნიშნავენ სკოლაში.

წიგნის საჯაროდ კითხვის მსოფლიო დღე მსოფლიოში ცნობილი ღონისძიებაა, რომელშიც 100 სხვადასხვა ქვეყნიდან მილიონობით ადამიანი მონაწილეობს და ერთიანდება საერთო სლოგანის გარშემო: „იკითხე ხმამაღლა, შეცვალე მსოფლიო!“ ეს დღე ადამიანებს მთელი მსოფლიოდან შესაძლებლობას აძლევს გაერთიანდნენ, გაიზიარონ წიგნის ხმამაღლა კითხვის სიხარული და თავადაც შეიტანონ წვლილი კითხვის პოპულარიზაციაში.

იხილეთ ვიდეოები: