ქაქუცა ჩოლოყაშვილის სახელობის ქალაქ თბილისის N178 საჯარო სკოლა წიგნის კითხვის პოპულარიზაციის გლობალურ კამპანიას აქტიურად შეუერთდა.
წიგნის საჯაროდ კითხვის კვირეულის ფარგლებში, მე-9ბ კლასის მოსწავლეებმა და მათმა დამრიგებელმა თამარ ცანავამ - რამდენიმე საინტერესო აქტივობა ჩაატარეს - ხმამაღლა წაიკითხეს გალაქტიონის ლექსები, მე-3ბ კლასის მოსწავლეებს კი წაუკითხეს ბერძნულ-რომაული მითები.
პატარების დამრიგებელმა - მანანა აფხაზაშვილმა კი შეაჯამა აქტივობა კითხვა-პასუხის რეჟიმით.
წიგნის საჯაროდ კითხვის მსოფლიო დღე მსოფლიოში ცნობილი ღონისძიებაა, რომელშიც 100 სხვადასხვა ქვეყნიდან მილიონობით ადამიანი მონაწილეობს და ერთიანდება საერთო სლოგანის გარშემო: „იკითხე ხმამაღლა, შეცვალე მსოფლიო!“ ეს დღე ადამიანებს მთელი მსოფლიოდან შესაძლებლობას აძლევს გაერთიანდნენ, გაიზიარონ წიგნის ხმამაღლა კითხვის სიხარული და თავადაც შეიტანონ წვლილი კითხვის პოპულარიზაციაში.
იხილეთ ფოტოები:
