ხულოს მუნიციპალიტეტის სოფელ ტუნაძეების საჯარო სკოლა წიგნის კითხვის პოპულარიზაციის მასშტაბურ კამპანიას შეუერთდა.
წიგნის საჯაროდ კითხვის მსოფლიო დღე მოსწავლე-მასწავლებლებმა საინტერესოდ აღნიშნეს. მათ წაიკითხეს წიგნები და ისაუბრეს მის მნიშვნელობაზე.
სლოგანით - „წიგნი ჩვენი მეგობარია“ მოსწავლეებმა საზოგადოებას ლიტერატურის კითხვისკენ მოუწოდეს.
წიგნის საჯაროდ კითხვის მსოფლიო დღე მსოფლიოში ცნობილი ღონისძიებაა, რომელშიც 100 სხვადასხვა ქვეყნიდან მილიონობით ადამიანი მონაწილეობს და ერთიანდება საერთო სლოგანის გარშემო: „იკითხე ხმამაღლა, შეცვალე მსოფლიო!“ ეს დღე ადამიანებს მთელი მსოფლიოდან შესაძლებლობას აძლევს გაერთიანდნენ, გაიზიარონ წიგნის ხმამაღლა კითხვის სიხარული და თავადაც შეიტანონ წვლილი კითხვის პოპულარიზაციაში.
იხილეთ ვიდეოები - ბმული 1, ბმული 2, ბმული 3, ბმული 4, ბმული 5, ბმული 6,
