ვასილ ბარნოვის სახელობის თეთრიწყაროს მუნიციპალიტეტის სოფელ კოდის საჯარო სკოლაში მოსწავლეთა წიგნიერების დონის ამაღლებას მნიშვნელოვანი ყურადღება ექცევა.
სწორედ ამიტომ, სკოლაში წიგნის საჯაროდ კითხვის მსოფლიო დღე საინტერესოდ აღინიშნა. მე-7ა და მე-7ბ კლასების მოსწავლეებმა, პედაგოგ ელისო მინაშვილის ხელმძღვანელობით მათი საყვარელი ნაწარმოებები წაიკითხეს, რომელთა შესახებაც შემდგომ იმსჯელეს.
როგორც სკოლაში ამბობენ, ამ მასშტაბურ კამპანიას მოსწავლე-მასწავლებლები ყოველ წელს დიდი ეთუზიაზმით უერთდებიან, სადაც სხვადასხვა აქტივობას ატარებენ.
წიგნის საჯაროდ კითხვის მსოფლიო დღე მსოფლიოში ცნობილი ღონისძიებაა, რომელშიც 100 სხვადასხვა ქვეყნიდან მილიონობით ადამიანი მონაწილეობს და ერთიანდება საერთო სლოგანის გარშემო: „იკითხე ხმამაღლა, შეცვალე მსოფლიო!“ ეს დღე ადამიანებს მთელი მსოფლიოდან შესაძლებლობას აძლევს გაერთიანდნენ, გაიზიარონ წიგნის ხმამაღლა კითხვის სიხარული და თავადაც შეიტანონ წვლილი კითხვის პოპულარიზაციაში.
იხილეთ ფოტოები:
