წყალტუბოს მუნიციპალიტეტის სოფელ ცხუნკურის N1 საჯარო სკოლაში წიგნის საჯაროდ კითხვის მსოფლიო დღე საინტერესოდ აღინიშნა.
მოსწავლეები ამ დღისადმი მიძღვნილ ღონისძიებაში აქტიურად ჩაერთნენ და გაერთიანდნენ სლოგანის - „იკითხე ხმამაღლა შეცვალე მსოფლიო!“.
მოსწავლეებმა წაიკითხეს საბავშვო მწერლების ნაწარმოებები, მათ შესახებ იმსჯელეს და ერთმანეთს მოსაზრებები გაუზიარეს.
ღონისძიების მიზანი, როგორც სკოლაში გვიყვებიან, იყო: მხატვრულად კითხვის უნარების განვითარება-წარმოჩენა, წაკითხულის გაგება-გააზრება, შემოქმედებითი უნარის განვითარება და მოსწავლეებში წიგნის პოპულარიზაცია.
აქტივობა საინტერესო და მოტივაციის მიმცემი იყო მოსწავლეთათვის.
წიგნის საჯაროდ კითხვის მსოფლიო დღე მსოფლიოში ცნობილი ღონისძიებაა, რომელშიც 100 სხვადასხვა ქვეყნიდან მილიონობით ადამიანი მონაწილეობს და ერთიანდება საერთო სლოგანის გარშემო: „იკითხე ხმამაღლა, შეცვალე მსოფლიო!“ ეს დღე ადამიანებს მთელი მსოფლიოდან შესაძლებლობას აძლევს გაერთიანდნენ, გაიზიარონ წიგნის ხმამაღლა კითხვის სიხარული და თავადაც შეიტანონ წვლილი კითხვის პოპულარიზაციაში.
იხილეთ ფოტოები:
