თეთრიწყაროს მუნიციპალიტეტის სოფელ ბოგვის საჯარო სკოლაში სასწავლო წელი აქტიურად და საინტერესოდ მიმდინარეობს. პედაგოგთა ხელმძღვანელობითა და მოსწავლეთა აქტიური ჩართულობით სკოლაში მრავალფეროვანი აქტივობები იმართება.
ამჯერად, VII კლასის მოსწავლეებმა, ინგლისურის გაკვეთილზე თემაზე: „მუსიკის ჟანრები“ საინტერესო პრეზენტაციები წარადგინეს. ბავშვებმა სხვადასხვა ეპოქისა და მიმდინარეობის მუსიკალურ ჯგუფებზე, სოლისტებსა და ჟანრებზე ისაუბრეს. მათ ასევე განიხილეს თუ როგორ განვითარდა მუსიკა, ფოლკლორიდან, 21-ე საუკუნის თანამედროვე შემოქმედებამდე.
აღსანიშნავია, რომ კლასში, პრეზენტაციის დროს მოსწავლეთა არჩეული ჟანრის მუსიკა გაჟღერდა.
გაკვეთილი საინტერესო და დასამახსოვრებელი იყო თითოეული მოსწავლისთვის.
„წარმატებას ვუსურვებთ მზია მასწავლებელს და ნიჭიერ მოსწავლეებს“, - აღნიშნავენ სკოლაში.
აღსანიშნავია, რომ მსგავსი აქტივობებით დატვირთული გაკვეთილები მოსწავლეთა ცოდნასა და მოტივაციის ამაღლებას ხელს უწყობს.
იხილეთ ფოტოები:
