ჩოხატაურის მუნიციპალიტეტის სოფელ დაბლაციხის საჯარო სკოლაში მოსწავლეთა შემოქმედებითი ნიჭისა და უნარების წარმოჩენა-განვითარებას დიდი ყურადღება ექცევა. შესაბამისად, დირექციისა და პედაგოგთა მხარდაჭერით მოწაფეები სხვადასხვა ღონისძიებაში აქტიურად არიან ჩართულნი.
ახლახან, ადგილობრივი თვითმმართველობის მხარდაჭერით, კულტურის ცენტრისა და რესურსცენტრის ორგანიზებით, ჩოხატაურის ხელოვნების სასახლეში პროექტის - „ავაღორძინოთ ფოლკლორი“ დასკვნითი ღონისძიება გაიმართა, რომელშიც მუნიციპალიტეტის თერთმეტი სკოლა მონაწილეობდა. მონაწილეთა შორის იყვნენ დაბლაციხის საჯარო სკოლის მოსწავლეები - ანასტასია ოსეფაიშვილი, ანამარია ოსეფაიშვილი, მილენა ქავთარაძე, ანა სერებრიაკოვი და როგორც სკოლაში ახასიათებენ, მათი შესანიშნავი, უნიჭიერესი და უსაყვარლესი მუსიკის პედაგოგი მარინა მამალაძე.
ბავშვებმა ორი სიმღერა შეასრულეს. ერთ-ერთი სიმღერის და მუსიკის ავტორი თავად მარინა მამალაძე გახლავთ.
„წარმატებები დაბლაციხის საჯარო სკოლას“,- აღნიშნავენ სკოლაში.
იხილეთ ფოტოები:
