ქობულეთის მუნიციპალიტეტის ხუცუბნის საჯარო სკოლაში ნათლისღების დღესასწაული აღინიშნა.
ღონისძიებაში, რომელიც მრავალფეროვან ნომრებს მოიცავდა II, IV , V, VIII , IX, XI კლასის მოსწავლეები მონაწილეობდნენ. მათი მასწავლებლები არიან - გული მესხიძე, ეკატერინე ათაბაძე, დალი ჯაში, ლიანა ფუტკარაძე, მანანა გოგიტიძე, ლოლა ცეცხლაძე, ნანი ვერულიძე და ნაირა ჟიჟავაძე.
მოსწავლეები დამსწრე საზოგადოების წინაშე ლამაზი წარმოდგენით წარდგნენ - შესრულდა სიმღერები და ხალხური ცეკვები.
მე-9 კლასის მოსწავლეებმა გაითამაშეს სცენა სასკოლო ცხოვრებიდან, მე-11 კლასის მოსწავლეებმა კი გააცოცხლეს წარსული და ქართული ტრადიციების მიხედვით გამართეს სპექტაკლი - „ქორწილი ნათლისღების შემდეგ“.
ღონისძიება მეტად შთამბეჭდავი იყო და სასკოლო საზოგადოების დიდი მოწონებაც დაიმსახურა.
იხილეთ ფოტოები:
