ბათუმის N8 საჯარო სკოლის მოსწავლემ, რაპირით მოფარიკავე ანანო ჯინჭარაძემ კადეტთა შორის საქართველოს ვიცე ჩემპიონის ტიტული მოიპოვა
23-01-2024
ბათუმის N8 საჯარო სკოლაში მე-9ვ კლასის მოსწავლის - ანანო ჯინჭარაძის სპორტულ წარმატებას აღნიშნავენ.
18-19 იანვარს, თბილისში, ფარიკაობაში გამართულ საქართველოს ჩემპიონატზე რაპირით მოფარიკავე ანანო ჯინჭარაძემ კადეტთა შორის - ვიცე ჩემპიონის ტიტული მოიპოვა, იუნიორთა შორის კი ბრინჯაოს მედალს დასჯერდა.
სკოლაში მოსწავლეს წარმატებას ულოცავენ და, სკოლის, ქალაქისა და ქვეყნის სასახელოდ მწვერვალების დაპყრობას უსურვებენ.
„ვულოცავთ, სპორტსმენს და მწვრთნელს - თინათინ ბოლქვაძეს მიღწეულ შედეგს და წარმატებას ვუსურვებთ მათ“,- აღნიშნავენ სკოლაში.
ანანო ჯინჭარაძის კლასის დამრიგებელი ნანა პაპუნიძე გახლავთ.
იხილეთ ფოტოები:
სკოლების სიახლეები
