წყალტუბოს მუნიციპალიტეტის სოფელ გვიშტიბისა და სოფელ გუბისწყლის საჯარო სკოლებს შორის შედგა მეგობრული თანამშრომლობა, ეროვნული სასწავლო გეგმის ერთ-ერთ ისეთ პრიორიტეტულ მიმართულებასთან დაკავშირებით, როგორიცაა მოსწავლეებში გარემოსდაცვითი პასუხისმგებლობის განვითარება და ეკოლოგიური ცნობიერების ამაღლება.
მოსწავლეებმა წარმოადგინეს პრეზენტაციები გარემოს დაცვის საკითხებთან დაკავშირებით, ისაუბრეს ამ თვალსაზრისით თემში არსებულ პრობლემებზე და დასახეს სამომავლო გეგმები.
როგორც გვიშტიბის საჯარო სკოლის წარმომადგენელი გვეუბნება, ბავშვებმა დაამზადეს ბუკლეტები და ბროშურები, რომელთა გავრცელებაც ხელს შეუწყობს ამ თვალსაზრისით მოსწავლეთა ცნობიერების ამაღლებასა და არსებული პრობლემების მოგვარებას.
ერთობლივი ძალებით დასუფთავდა ორივე სკოლის მიმდებარე ტერიტორია.
მოსწავლეებში ჩამოყალიბდა თანამშრომლობითი უნარ-ჩვევები და ამაღლდა გარემოსდაცვითი პასუხისმგებლობის გრძნობა.
იხილეთ ფოტოები:
